Badia di Santa Maria di Grottaferrata a Rofrano e la sua storia/leggenda

Quinta secula re e novi juorni, na famiglia ri Pulicastro arrivào cca ; chiri ca truvàro sta Marònna erano ri Pulicastro.
Nu patri ri famiglia pigliào li figli e li crapi e jìano pi sti muntagne ca vulìano truvàre, ca dda èrano venùta âta gente, nu fundu ca nci vulìano fa' na casèdda. E jìano truvànno acqua , ca vicino a la marina dda stìano into l'acqua .
E chisto cca arrivào a la via ri Laurito e saglièro a la via ri lu Monte cchiù ngoppa, ca dda nce avìano fatta na cappella l'antìchi , na cappelluccia ca nci tenìano còcche capriciéddo e se nci ricìano lu Rusario. Jèro dda, truvàro na funtanèdda e recèro:
- Cca stamo buoni nuje!
La funtanèdda a lu mese r'aùsto assiccào e si ne fujèro n'ata vôta. E si ni jèro camminànno-camminànno.
Cca a la via nostra nci chiamano Lu Fèu: arrivào dda ca nc'è na fistula r'acqua ca menàva, e recèro:
- Cca stamo buoni!
Nci stèro nu paro r'anni, ma jessèro li furmìcule, réce ca tanta ri furmìcule c'assèro, chi loro nu' nci putèro stari, se n'avèra jé.
Nu paru re giuvanòtti, créo ca putìano esse cume a buje trìa, ra Lu Fèu virìano ca ccà nc'era na luce . La prima vôta nu' nci abbaràro, la siconda vôta lu ricèro a li patri:
- Uardàti, ca nuje a la tali parte, hamo vista nu luma ca ni vène pi nnanti! - cume s'avìssero ritto: - Jàte a bìri, ca nuje nu' stamo buoni cca, ca nci stano li furmìcule!
E chiri giuvanòtti s'accustavano, la luma scese accustànno-accustànno e nci ficcàro tre juorni e tre sere, e rrivàro cca.
Quanno arrivàro cca, la luma nnanti e loro appriésso, ma camminavano cu la stessa luce ca purtàva la Marònna (14); arrivàro cca e se ficcàro into a lu supàlo e truvàro sta statuèdda cu na luma mmano.
Quanno arrivàro ccare, nc'era na statuèdda inta, accussì l'aviano chiusa ri prète (la vecchietta disegna un cerchio a terra), ma cchiù ca putìano èsse l'ati antichi ca tinìano l'animàli, l'avìano fatto nu circhièddo ri prète e Jédda stìa come avésse stato ccà mmiézzo (la vecchietta si pone al centro del cerchio appena disegnato).
Si ni jèro po' n'ata vôta a ddu li patri, réce:
- Vulìti sapé, prima hamo truvàto dda luma, l'avìmo truvàta inta a nu fào, inta a nu serràcchio!
Li patri mo', ca nuje simo sempe nu picca visitatéboli, vulìmo sapé li cose: - Addùve siti? Addùve jati? - jèro pure loro e truvaro sta statuèdda; cu n'accètta pulizzàro tutta quanta sta zona.
Quanno l'avèro pulizzàta po', si mittèro cu na zappa a scavari li puramènta: ma lu juorno li cavàvano e la notte si jenghìano n'ata vôta.
Nu vicchiariéddo - mara nuje! - judda la Marònna:
- Marònna mia, nu' ne fa' perde la fatìa, ricinnìlo tu, rici quanto la vuoi sta cappèdda!
Quanno fûro a li quìnnici r'aùsto la Marònna, chi t'ha dda fà? Ha dda jì la notte a ha dda fà nivicàri! Fici nivicàri la Marònna e fici nivicàri quanta la vulìa la cappédda.
Quanta vulìa la cappèdda, c'avìa nivicàto, tanto po' facèro la capèdda e ne facèro po' lu paése attuorno.
Nci venèro li muonaci po' e cca è la cappèdda e lu cummènto.
Quanno po' nci fùro li briànti, nci scavàro, avìano fatto la grotta ra into la chiesa e scinnìa abbàscio fino a lu jùme, sotta lu paése.
Poi la vulèro cchiù grandi e io m'arricordo ca è stata fatta doie vôte sta chiesa. La prima vôta ca me ricordo io, ca nci fatiài ra lu Quattuórdici a lu Riciòtto; e lu Riciannòve po' nci purtàro la Marònna, ca ni tinìano roje: una assettàta e cca è la Marònna nostra.

Tratto da: Cilento Cultura - (foto: fotoinweb.it)
condividete ed invitate a seguirmi su: https://www.facebook.com/cilentoreporter/
http://www.cilentoreporter.it